नुवाकोटबाट काठमाडौं आउदै गरेको बस माथिबाट खसेको ढुंगासहितको पहिरोले थिचिदा मृत्यु हुनेको संख्या ५ पुगेको छ।

ढुङ्गा सहितको पहिरोले बस पुरिँदा चालक सहित ५ जनाको मृत्यु भएको जिल्ला प्रहरी कार्यालय नुवाकोटले जनाएको छ ।

मृत्यु हुनेमध्ये रसुवा भोर्ले- ९ का बसका चालक ३५ वर्षीय प्रितमान विश्वकर्माको सनाखत भएको छ भने अन्यको सनाखत हुन बाँकी छ ।

नुवाकोटको बुङताङबाट काठमाडौं जाँदै गरेको बा २ ख २८४१ नम्बरको बस गुडिरहेका बेला ककनी गाविसको ३४ किलोमा पहिरोसँगै झरेको ढुंगाले थिचेको थियो ।

घटनास्थलबाट उद्धार गरिएका अन्य ६ जनाको अवस्था गम्भीर छ।

उक्त बसमा १५ जना यात्रु थिए ।

प्रतिकृया दिनुहोस