उत्तरी बांग्लादेशमा रमाजानका अवसरमा एक धनी व्यक्तिबाट सहयोगस्वरुप लुगा वितरणका लागि आयोजना गरिएको कार्यक्रमा २३ जनाको ज्यान गएको छ ।

रमजानमा जकात (दान) का लुगा लिनका जम्मा भएका गरिब व्यक्तिहरुबीच चलेको तछाडमछाड र भागदौडमा कम्तीमा २३ व्यक्तिको मृत्यु भएको हो। मृत्यु हुनेमा अधिकांश महिला र बालबालिका छन् ।

बांग्लादेशको उत्तरी शहर माइमेनसिङ्घमा भएको उक्त घटनामा ५० भन्दा बढी व्यक्ति घाइते भएका प्रहरीले जनाएको छ । मृतकको संख्या अझै बढ्ने अनुमान गरिएको छ ।

स्थानीय सुर्ती कारखानाका मालिकले ‘जकात’ बाँड्ने घोषणा गरेपछि विहानै करिब १५०० व्यक्ति निशुल्क पाइने लुगा लिन पुगेका थिए । कारखानको साँघुरो ढोकाबाट एकैपटक धेरै मानिसहरु भित्र पस्न खोज्दा भएको भागदौडमा २३ को ज्यान गएको हो ।

प्रहरीले कारखानका मालिकसहित ७ जनालाई नियन्त्रमा लिएको बताइएको छ ।
एएफपी

प्रतिकृया दिनुहोस