भदौको अन्तिम साताका लागि तोकिएको नेपाली कांग्रेसको १३ औं महाधिवेशनको मिति सारिएको छ ।

कांग्रेस केन्द्रीय समितिको २५ असारमा बसेको बैठकले महाधिवेशन असोज २ देखि ५ गते सम्म काठमाडौंमा गर्ने निर्णय गरेको हो । यसअघि महाधिवेशन भदौ २४ देखि २८ गतेसम्मका लागि तोकिएको थियो ।

संविधानसभा भवनमै बसेको केन्द्रीय समितिको बैठकले गाउँ, नगर, जिल्ला देखि केन्द्रीय महाधिवेशनको मिति सारेको हो ।

कांग्रेस गाउँ अधिवेशन भदौ १ गते, क्षेत्रको भदौ ७ र जिल्लाको १० गते गर्ने निर्णय भएको कांग्रेस केन्द्रीय सदस्य नविन्द्रराज जोशीले जानकारी दिए ।

“भूकम्पको प्रभाव, मौषम र संविधान जारी गर्ने चटारोले गर्दा तयारीका लागि समय नपुगेको धेरैको गुनासो आएकोले महाधिवेशनको मिति केही दिन सारिएको हो,” जोशीले भने ।

प्रतिकृया दिनुहोस