तस्वीर साभार: आइसीसी

आइसीसी टी–२० विश्वकप छनोट अन्तरगत भएको आफ्नो पहिलो खेलमा नेपालले अमेरिकालाई ६ विकेटले पराजित गरेको छ ।

जीतका लागि अमेरिकाबाट पाएको १२२ रनको लक्ष्य नेपालले चार विकेट गुमाएर १९. ४ ओभरमा भेट्टायो । उपकप्तान ज्ञानेन्द्र मल्लले ४३ बल खेल्दै ५२ रन जोडेर जितको आधार तयार पारे ।

अनिल मण्डलले २९, पारस खड्काले नटआउट २१, विनोद भण्डारीले ७, सागर पुनले ६ र शरद भेषवाकरले नट आउट २ रन जोडे ।

आयरल्याण्डमा भएको प्रतियोगितामा टस हारेर पहिले फिल्डिङ गरेको नेपालले २० ओभरमा १० विकेट लिँदै अमेरिकालाई १२१ बलमा रोकेको थियो । शक्ति गौचन र वषन्त रेग्मीले समान ३–३, सोमपाल कामीले २ र सागर पुनले १ विकेट लिए ।

अन्तिम ओभरको अन्तिम बलमा जसदीप सिंह रन आउट भए । करण केसीले दुई ओभर बलिङ गर्दै सर्वाधिक २७ रन दिए ।

भोली २६ असार बेलुका ७ बजे नेपालले नामिवियासँग खेल्ने छ ।

—————————————————————

प्रतिकृया दिनुहोस