आइसीसी ट्वेन्टी ट्वेन्टी विश्वकप छनोट अन्तर्गतको जारी खेलमा नेपालले पपुवा न्यू गिनीलाई ९४ रनको लक्ष्य दिएको छ ।

टस हारेर ब्याटिङको निम्तो पाएको नेपालले १९.३ ओभरमा अलआउट हुँदै ९३ रन मात्रै जोड्न सक्यो ।

नेपालका लागि सवै भन्दा बढी प्रदिप ऐरीले २९ रन बनाए ।

सागर पुनले १५ र शरद भेषवाकरले ११ रन बनाउनुबाहेक अन्य खेलाडी दोहोरो अंक जोड्न सकेनन् ।

कप्तान पारस खड्का ५, ज्ञानेन्द्र मल्ल २, राजेश पुलामी ७, विनोद भण्डारी ४, बसन्त रेग्मी १ र सोमपाल कामी ४ रनमा आउट भए ।

शक्ति गौचन ६ रनमा नटआउट रहे । पाँच खेलमध्ये एकमा मात्र विजयी नेपाललाई अघिल्लो चरणमा जाने संभावना कायमै राख्न यो खेल जित्नैपर्ने दबाब छ ।

प्रतिकृया दिनुहोस