ट्वान्टी–ट्वान्टी विश्वकप क्रिकेटको छनौट चरणबाटै नेपाल बाहिरिएको छ ।

१ साउन राति हङकङले आयरल्याण्डलाई पराजित गरेसँगै नेपाल छनौट चरणबाटै बाहिरिएको हो । हङकङले आयरल्याण्डलाई ५ रनले हराउँदै ४ खेलमा ५ अंक जोड्न सफल भएको छ ।

समूह ‘ए’ तर्फ पपुवा न्यू गिनी ४ खेलमा ७ अंकसहित शीर्ष स्थानमा छ भने ५ खेलमा तीन जीतसहित आयरल्याण्ड ६ अंक जाेड्दै दाेस्राे र ४ खेलमा दुई जीतसहित नामिबिया ५ अंकसाथ तेस्रो स्थानमा छ । अझै दुई खेल बाँकी रहेको हङकङ चौथौं स्थानमा छ ।

नेपालले भने ५ खेल खेलिसक्दा ३ अंक मात्रै जोडेर पाँचौं स्थानमा रहेको छ । एक खेल जीत, एक बराबर र लगातार तीन खेल पराजित भएसँगै नेपाल छनौट चरणबाटै बाहिरिएको छ ।

जर्सीसँग नेपालले शानदार जित हासिल गरेर रनरेट सुधारेकाे अवस्थामा हङकङ, जर्सी र अमेरिका भने लगातार पराजित भइरहने हाे भने नेपाल छनाैट हुन सक्ने झिनाे अासा बाँकी रहन्छ । तर,  त्यसका लागि यी तीन देशकाे रनरेट नेपालकाे भन्दा बढी कमजाेर हुने गरी खेल हुनुपर्नेछ ।

यस्ताे छ अंक तालिका

प्रतिकृया दिनुहोस