सिद्धान्तले खेल्दै गर्दा उनको हातबाट ब्याट फुत्किएको थियो । स्क्रिन शट तस्वीर

आयरल्याण्डमा जारी आइसीसी ट्वेन्टी ट्वेन्टी विश्वकप छनोट क्रिकेटमा नेपालले जर्सीलाई १०६ रनको लक्ष्य दिएको छ ।

टस हारेर ब्याटिङको निम्तो पाएको नेपालले निर्धारित २० ओभरमा ८ विकेट गुमाउँदै १०५ रन बनायो ।

यसअघिका खेलजस्तै लयमा नदेखिएको नेपालले यो खेलको मैदानमा पहिलो पटक उत्रिएका सिद्धान्त लोहनीको १६ बलमा १ चौका र दुई छक्का सहित २७ रनको मद्दतमा १०५ पुर्‍याउन सक्यो ।

नेपालकातर्फबाट लोहनीले १६ बलमा २७ रन, ज्ञानेन्द्र मल्लले ३३ बलमा २६ रन, शरद भेषवाकरले २० बलमा १६ रन र पारस खड्काले १० बलमा ११ रन बनाए ।

त्यसैगरी वसन्त रेग्मीले ७, विनोद भण्डारीले ३, प्रदीप ऐरीले २, राजेश पुलामीले ४ रन बनाए भने सोमपाल कामी ३ रन बनाउँदै नटआउट रहे ।

प्रतिकृया दिनुहोस