अभियुक्तहरु बायाँबाट क्रमश: नारायण मुखिया, वासुदेव जिसी र विष्णुबहादुर मुखिया ।

गुल्मीको पिपलधारमा ८ साउन विहान मृत अवस्थामा फेला परेका काका–भतिजीलाई उनकै आफन्तले हत्या गरेको प्रहरीले जनाएको छ ।

स्थानीय ४४ वर्षीय नारायण मुखियाले एकाघरका भाइ ३८ वर्षीय वेलबहादुर मुखिया र भतिजी १८ वर्षीया सीता मुखियाको गाउँलेको सहयोगमा हत्या गरेको जिल्ला प्रहरी कार्यालय गुल्मीका प्रहरी नायव उपरीक्षक हिमालकुमार श्रेष्ठले बताए ।

सीतालाई हत्या गरेपछि गाउँको खन्युको रुखमा पासो लगाएर झुण्ड्याएको र वेलबहादुरको गाउँ नजिकै कान्ला मुनी फालेको नारायणले बयान दिएका छन् ।

प्रहरीका अनुसार सुतिरहेका वेलबहादुरलाई नारायण मुखिया, वासुदेव जिसी र विष्णुबहादुर मुखियाले चिर्पटले हानेर हत्या गरेका थिए ।

एकाघरका काकाको हत्या भइरहेको भतिजी सीताले देखेपछि उनको पनि मुख छोपेर हत्या गरी नजिकै रहेको खनियाँको रुखमा लगेर झुण्डाएको नारायणले प्रहरीलाई बयान दिएका छन् ।

हत्याका बेला अभियुक्त नारायण मुखियाले गाउँलेले थाहा नपाउन भनेर ठूलो आवाजमा क्यासेट बजाएको पनि बयान दिएका छन् ।
गत १ साउनमा गाउँको ‘कृषि समूह’ को बैठकमा भाइ वेलबहादुरले दाजु नारायणले कृषि समूहको रकम हिनामिना गरेको कुरा उठाएपछि उनीहरुबीच झगडा शुरु भएको थियो ।

अभिुक्तहरु तिनै जनालाई प्रहरीले नियन्त्रणमा लिई थप अनुसन्धान गरिरहेको छ ।
गगनशिला खड्का, गुल्मी

प्रतिकृया दिनुहोस