थप समाचारसोमबार, साउन ११, २०७२

पहिरोमा पुरिएर एकको मृत्यु

हिमालखबर

गाउँमाथिको पहाडको ढिस्को खसेर पुरिदा उत्तरी गोरखाको उहिया– ९, का थल्सी गुरुङको मृत्यु भएको छ ।

घरबाट गोठ जाने क्रममा माथिबाट झरेको पहिरोमा पुरिएर गुरुङको घटनास्थलमै मृत्यु भएको हो । गाई गोठमा जाँदै गर्दा नरवा भीरबाट झरेको पहिरोमा पुरिएर गुरुङको मृत्यु भएको स्थानीयवासी जसमाया गुरुङले बताइन् ।

गाउँलेले पहिरोभित्र च्यापिएका गुरुङको शव निकालेका थिए । गुरुङको शव पहिराबाट झिकेर आज अन्त्यष्ठि गरिएको जसमायाले बताइन् ।