एमाओवादी केन्द्रीय सदस्य लेखराज भट्टले संघीय संरचनामा सुदूरपश्चिमका नौ जिल्ला एकीकृत नै रहने बताएका छन् ।

सेती महाकाली मुक्ती मोर्चाको वैठकपछि आफ्नो धारणा सार्वजनिक गर्न १२ साउनमा महेन्द्रनगरमा आयोजित पत्रकार सम्मेलनमा बोल्दै अध्यक्ष भट्टले सुदूरपश्चिमलाई टुक्र्याउन नदिइने बताए ।

सुदूरपश्चिमका नौ जिल्लाकै जिल्ला अध्यक्ष सदस्य रहने एमाओवादीको जनवर्गीय संगठन मुक्ती मोर्चाका अध्यक्ष भट्टले भने ‘‘संघीय राज्यमा सुदूरपश्चिमका नौ जिल्ला दायाँबायाँ हँुदैनन् । दायाँबायाँ हुन दिइदैन ।’’

संविधानसभाले नै तय गरेको राज्य पुनर्संरचनाका लागि पहिचानका ५ र सामथ्र्यका ४ आधारहरुमा रहेर नै सुदूरपश्चिमलाई एक प्रदेश बनाउनु पर्ने जोड दिंदै आएको उनले बताए । ‘

‘नौ जिल्लाकै ऐतिहासिक आधार, भेषभुषा, भाषा, संस्कृति, रहनसहन एउटै छ । भौगोलिक र सामाजिक आधारमा पनि एउटै हो । हाम्रो सामथ्र्य पनि छ’’ अध्यक्ष भट्टले भने । उनले तराईका थारु समुदायका लागि विशेष व्यवस्था गर्नु पर्ने बताए ।

एक प्रश्नको जवाफमा नेता भट्टले एमाओवादी पार्टीले पनि प्रतिपक्षको भूमिका निभाउन नसकेको बताए । केही समयदेखि पार्टी प्रति असन्तुष्ट रहदै आएका उनले जुन उद्देश्य र लक्ष्यतिर जानु पर्ने हो एमाओवादी त्यतातिर जान नसकेको बताए ।
बच्चु विक, महेन्द्रनगर

प्रतिकृया दिनुहोस