तस्वीर: केशव राना

हिन्दु राष्ट्रको माग गर्दै आज, १९ साउनमा गरिएको बन्दले बर्दियाको जनजीवन प्रभावित भएको छ ।

बर्दियाका केही हिन्दुवादी संगठनहरुले जिल्ला बन्द गराएका हुन् । बन्दका कारण जिल्लामा सवारीसाधन चल्न सकेका छैनन् । बजार, उद्योग, कलकारखानाहरु पनि प्रभावित भएका छन् ।

विश्व हिन्दु महासंघ, स्वधर्म संरक्षण संस्कृति अभियान, गायत्री संस्कार संरक्षण समिति, शिव सेना नेपाल, ब्राम्हण क्षेत्री समाज, सुदामा बृद्धाश्रम कालिका र नेवा गुठी कालिका लगायतका संगठनहरुले बन्दको आह्वान गरेका हुन् ।

उनीहरुले बन्दसँगसँगै सभासद् पनि बहिष्कार गर्ने बताएका छन् ।

यस्तै दाङमा पनि एक घण्टा चक्काजाम गरिने भएको छ । संयुक्त राजनीति संघर्ष समिति दाङ्गले दलित समुदायका अधिकार कटौती गरिएको भन्दै बिहान ११ बजेदेखि मध्यान्ह १२ बजेसम्म चक्का जाम गर्ने भएको छ ।

समितिले साउन २१ मा जनप्रदर्शन समेत गर्ने जनाएको छ ।
केशव राना, बर्दियाबाट

प्रतिकृया दिनुहोस