साउनको तेस्रो साता बित्दा झापामा ७५ प्रतिशतमात्र धान रोपार्इं भएको छ ।

झापाका धान रोपाईं हुने ८८ हजार हेक्टर मध्ये हालसम्ममा २३ हजार हेक्टरमा रोपाईं हुन सकेको छैन ।

साउन लागेपछि पानी पर्याप्त नपरेकोले खेतका गरा सुकेर धाँजा फटेको छ । बिउ बुढिँदै गएकोले अब पानी परे पनि रोपिएको धानको उत्पादकत्व घट्ने जिल्ला कृषिविकास कार्यालय झापाले जनाएको छ ।

झापाको कुल धान खेती हुने क्षेत्रमध्ये ३८ हजार ५४० हेक्टर क्षेत्रफलमात्र सिंचाई उपलब्ध छ । करिब पचासहजार हेक्टरमा आकाशे पानीको भरमा खेती हुनेगरेको छ ।

खडेरीका कारण जिल्लाका गौरीगञ्ज, खजुरगाछी, बुधवारे, शनिश्चरे लगायतका क्षेत्रहरु बढी प्रभावित छन ।

धान रोपाईका लागी मुख्य सिजन सकिदै जाँदा खडेरी प्रभावित क्षेत्रका किसानहरुमा निराशा छाएको छ ।
गोपाल गडतौला, झापा

प्रतिकृया दिनुहोस