नेकपा एमाले स्थायी कमिटीको अनौपचारिक बैठकले प्रदेशको सीमाकंनबारे नयाँ प्रस्ताव अघि बढाएको छ ।

सिंहदरवारमा बसेको बैठकले स्थानीय जनताको चाहनालाई ध्यान राखेर ६ प्रदेशको सीमाकंनबारे नयाँ प्रस्ताव ल्याएको हो ।

पार्टी सचिव प्रदिप ज्ञवालीका अनुसार पूर्वका सिराहा र सप्तरीलाई प्रस्तावित १ नम्बर प्रदेशमा राख्ने, ४ नम्बर प्रदेशमा बाँके र बर्दिया जोड्ने र ६ नम्बर प्रदेशमा सूदुरपश्चिमका सवै जिल्ला तथा बाँके र बर्दिया बाहेक कर्णाली र भेरी अञ्चल राख्नेबारे छलफल भएको छ ।

पार्टी अध्यक्ष केपी शर्मा ओलीले अनौपचारिक स्थायी कमिटीको बैठक बोलाएर संविधान निर्माणबारे भइरहेको प्रगतीबारे जानकारी गराएका थिए । बैठकले साउनभित्रै संविधान जारी गर्ने गरी सम्वाद अघि बढाउने निर्णय गरेको प्रचार विभाग प्रमुख योगेश भट्टराईले बताए ।

कपिल भट्ट, काठमाडौं

प्रतिकृया दिनुहोस