२३ साउन दिउँसो बुटवल नजिक सिद्धबाबाको पहिरोसंगै तिनाउ नदीमा खसेको यात्रुबहाक बस अझै भेटिएको छैन् ।

सेना, प्रहरी लगायतको टोलीले प्रयास गरिरहे पनि धमिलो पानी र पहिरो खस्ने जोखिमका कारण उद्धारमा समस्या भईरहेको ईलाका प्रहरी कार्यलय बुटवलका प्रमुख, डीएसपी दिलीप घिमिरेले बताए ।

पहिरोसँगै नदीमा खसेर डुबेको बस र शवहरु खोज्नका लागि गोताखोरहरुलाई बोलाईएको उनले बताए ।

२३ साउन दिउँसो करिब १ बजे तानसेनबाट बुटवल आउँदै गरेको लु १ ख ५७७१ नम्बरको बस बुटवल नजिकै पाल्पाको दोभानस्थित सिद्धबाबामा पहिरोसंगै तिनाउमा खसेको थियो ।

अहिलेसम्म तीन जनाको शब फेला परेको छ । मृतकहरु पाल्पा ताहुं ५ का बिष्णुमाया श्रेष्ठ,उनकी छोरी बिद्या श्रेष्ठ र गुल्मी सिर्सेनीका बिष्णु थापा छन् ।

विद्या र बिष्णु थापाको शव अघिल्लो दिननै घटनास्थलमा भेटिएको थियो भने बिष्णु मायाको शव भने २४ साउन विहान बुटवलको देबिनगरस्थित तिनाउ नदीबाट निकालिएको हो ।

घटनास्थलबाट बगेर त्यहां पुगेको शब अघिल्लो दिन सांझ देखिए पनि प्रहरीले निकाल्न सकेको थिएन ।
दीपक ज्ञवाली, बुटवल

प्रतिकृया दिनुहोस