थप समाचारसोमबार, साउन २५, २०७२
एनआरएनए अध्यक्षमा रतन झाको उमेद्वारी
गैरआवासीय नेपाली संघ (एनआरएनए)को सातौं महाधिवेशन नजिकिएका बेला रतन झाले अध्यक्ष पदमा उमेद्वारी घोषणा गरेका छन् ।
एनआरएनएका पूर्व महासचिव तथा वर्तमान सल्लाहकार झाले अमेरिकाको वासिङटन डीसीमा आयोजित कार्यक्रमबाट उमेद्वारी घोषणा गरेका हुन् । नयाँ नेतृत्वका लागि अक्टोवर १४ देखि १७ सम्म एनआरएनएको सातौं महाधिवेशन र विश्व सम्मेलन नेपालमा हुँदै छ ।
झाको उमेद्वारी घोषणालाई एनआरएनएका पदाधिकारी, सल्लाहकार एवं अन्य गैरआवासीय नेपाली प्रतिनिधीहरुले ऐक्यबद्धता जनाएका छन् । उक्त घोषणा कार्यक्रममा अमेरिकाका लागि नेपाली राजदुत अर्जुन कार्की पनि सहभागी थिए ।
उमेद्वारी घोषणा गर्दै झाले भने, “नेपालीका लागि नेपाली भन्ने मूल मन्त्र लिएको एनआरएनएको अध्यक्षमा उमेद्वारी घोषणा गर्छु ।”