समाचारआइतबार, साउन ३१, २०७२
दुईवटा ट्रक र एउटा जीपमा आगजनी

तस्वीर: विद्रोही गिरी
पूर्वपश्चिम राजमार्ग अन्तरगत नवलपरासीको तिलकपुर–७ स्थित बासा बासाबसहीमा बन्दकर्ताहरुले तीनवटा सवारी साधनमा आगो लगाएका छन् ।
ना ३ ख ६९२६ नम्बरको ट्रक, दुर्घटनामा परी सडक छेउमा रहेकोे ना ४ ख १६१८ नम्बरको ट्रक र बा १० च ३३१३ नम्बरको पिकअप जीपमा आन्दोलनकारीले आगो लगाएका हुन् ।
मस्यौदा सम्बिाधनमा गरिएको प्रदेशहरुको सीमाङकनको विरोध गर्दै आन्दोलनरत थरुहट संघर्ष समिति र केही मधेशकेन्द्रित दलहरुले गरेको बन्दका क्रममा सवारी साधनमाथि आगजनी भएको स्थानीय प्रशासनले जनाएको छ ।
ना ४ ख १६१८ नम्बरको ट्रक ३० साउन राति दुर्घटना हुँदा लम्जुङ्ग तार्खुघाटका चालक ४४ वर्षीय रविलाल गुरुङ्गको उपचारका क्रममा मृत्यु भएको थियो ।
दुर्घटनामा परेको सोही ट्रकमा पनि आन्दोलनकारीले आगजनी गरेको जिल्ला प्रहरी कार्यालय नवलपरासीले जनाएको छ ।
विद्रोही गिरी, नवलपरासी
प्रतिकृया दिनुहोस
ताजा अपडेट
हिमालखबर जनमत
