थप समाचारसोमबार, साउन ३२, २०७२

बन्दको बिरोधमा विद्यार्थी

हिमालखबर

-विद्रोही गिरी, नवलपरासी

लगातारको बन्दले पठनपाठन प्रभावित बनेको भन्दै नवलपरासीका विद्यार्थी सडकमा उत्रिएका छन् ।

त्रिभुवन उच्च मावि कुमारवर्ती ढोकीका विद्यार्थीहरु प्लेकार्डसहित सडकमा आएका हुन् । ३२ साउनमा उनीहरुले बालबालिकाको पढ्न पाउने अधिकारलाई सुनिश्चित गर्नुपर्ने माग गरे ।

विद्यालयको पोशाकमा प्लेकार्ड बोकेका अधिकांश विद्यार्थीहरु झण्डै १० किलोमिटर साइकल चलाएर कावासोती आएका थिए । राजमार्गमा नआएसम्म आफ्ना कुराहरु नसुनिएको भन्दै सडकमा आएको उनीहरुले बताएका छन् ।