सप्तरीको भारदहमा आन्दोलनकारी र प्रहरीबीच झडप हुँदा एक जना आन्दोलनकारीको मृत्यु भएको छ ।

संयुक्त लोकतान्त्रिक मधेशी मोर्चाले आह्वान गरेको बन्दमा पूर्वपश्चिम राजमार्ग अवरोध गरेका आन्दोलनकारीलाई हटाउने क्रममा प्रहरी र आन्दोलनकारीबीच आज विहानैदेखि झडप भइरहेको छ ।

हिंसात्मक बन्दै गएको प्रदर्शनमा आन्दोलनकारीले प्रहरी बिट तोडफोड र आगजनी प्रयास गरेपछि स्थिति नियन्त्रणमा लिने क्रममा गोली प्रहार गरिएको प्रहरीले जनाएको छ ।

प्रहरीको गोलीबाट भारदह–१का ३५ वर्षीय राजीभ राउतको घटनास्थलमै मृत्यु भएको हो भने गोपाल मण्डल, सत्यनारायण मण्डललगायतका ७ जना आन्दोलनकारी घाइते भएका छन् ।

अहिले राउतको शवलाई राजमार्गमा तेर्स्याएर आन्दोलनकारीले प्रदर्शन गरिरहेका छन् ।

श्रवणकुमार देव, सप्तरी

प्रतिकृया दिनुहोस