लामो बन्दले प्रभावित भएको बाँकेको कोहलपुरमा २ भदौदेखि पसलहरु खुल्न थालेकाछन् । तस्वीर: केशव राना

थरुहट स्वायत्त प्रदेशको माग राख्दै गरिएको आमहड्ताल बाँके र नवलपरासीमा खुकुलो हुँदै गएको छ ।

नवलपरासी सदरमुकाम परासी बजार बन्द रहे पनि राजमार्गमा यातायात सुचारु छ, पसल, कार्यालय र विद्यालयहरु खुलेका छन् ।

त्यस्तै बाँकेमा पनि शैक्षिक संस्था, पसलहरु खुलेका छन् । सडकमा मोटरसाइकल प्रशस्तै गुडेका छन् भने अन्य गाडीहरु फाट्टफुट्ट सडकमा गुडिरहेका छन् ।

बन्दकर्ताहरु सडकमा देखिएका छैनन् ।

पूर्वी नवलपरासीलाई ४ नं. प्रदेशमा राख्ने निर्णयलाई स्वागत गरिंदै नवलपुरमा ३१ साउनमा आयोजना गरिएको कार्यक्रम । तस्वीर: विद्रोही गिरी

थारु कल्याणकारिणी सभा, थरुहट संघर्ष समितिले २७ साउनदेखि आह्वान गरेको बन्दमा पछिल्लो समय मधेश केन्द्रित दलहरु समेत मिसिएपछि यहाँको जनजीवन पूर्ण रुपमा ठप्प भएको थियो ।

केशव राना, बाँके र विद्रोही गिरी, नवलपरासी

प्रतिकृया दिनुहोस