कपिलवस्तुमा मधेशी मोर्चा र थारुहट संयुक्त संघर्ष समितिको जारी आन्दोलन हिंसात्मक हुँदै गएकोमा अबदेखि शान्तिपूर्ण बनाउने सहमति भएको छ ।

३ भदौमा जिल्ला प्रशासन कार्यालयमा भएको सहमति अनुसार आन्दोनकारी दलहरूले भौतिक संरचना र सवारीसाधनमा तोडफोड÷आगजनी नगर्ने, साम्प्रदायिक नारा नलगाउने तथा प्रहरीले पनि संयम अपनाउने सहमति भएको हो ।

त्यसैगरी आन्दोलनको नेतृत्व दलहरुले नै गर्नुपर्ने, नेतृत्वविहीन र अराजक बनेमा प्रशासनले बल प्रयोग गरेर भए पनि नियन्त्रणमा लिने पनि सहमति भएको छ ।

२ भदौमा सदरमुकाम तौलिहवामा भएको आन्दोलनले हिंसात्मक रुप लिएपछि प्रहरीले अश्रुग्यास प्रहार र हवाई फायर गरेको थियो भने निषेधाज्ञा समेत जारी गरेको थियो ।

१३ जनालाई नियन्त्रणमा लिएकोमा ३ भदौको सहमति बमोजिम अब उनीहरू बिनाशर्त छुट्नेछन् भने
तौलिहवामा तोकिएको निषेधित क्षेत्र केही साँघुरो पारिनेछ ।

गोपाल भण्डारी, तौलिहवा

प्रतिकृया दिनुहोस