नेकपा एमालेका अध्यक्ष केपी शर्मा ओलीले राजनीतिक योग्यता शैक्षिक मापदण्ड मात्रै नहुने बताएका छन् ।

अनेरास्ववियुको विधान सम्मेलन उद्घाटन गर्दै उनले भने, “राजनीतिमा लाग्नेको मूल्याङ्कन त्याग र निष्ठाका आधारमा हुन्छ, पढेर मात्रै हुँदैन ।” उनले यस्ता विषयमा अनेरास्ववियु अल्मलिन नहुने बताए ।

अखिलमा शैक्षिक योग्यताको बहस चलिरहेका बेला ओलीले भने, “अनेरास्ववियु लोकसेवा होइन, जहाँ शैक्षिक योग्यता र उमेरको मापदण्ड निर्धारण गर्नलाई ।”

३५ बर्ष उमेर नाघेपछि अखिलबाट अवकाश लिनुपर्ने र स्नातक उत्तीर्ण नभएकाले पदाधिकारी हुन नपाउने प्रस्ताव विधानमा उल्लेख गर्नुपर्ने सम्मेलनमा कुरा उठेको छ ।

आजबाट काठमाडौंको किर्तिपुरमा शुरु भएको सम्मेलन दुईदिनसम्म चल्ने सचिवालय सदस्य आरती लामाले बताइन् । उनका अनुसार यो सम्मेलनमा शैक्षिक योग्यता र उमेर हद राख्ने कि नराख्ने बहस चलिरहेको छ ।

प्रतिकृया दिनुहोस