-बुद्धवीर बाहिङ, सोलुखुम्बु

निमाछम्जी शेर्पा

सोलुखुम्बुको गुदेल–४ सानामका बाबुछोरी देण्डी र निमाछम्जी शेर्पाले सगरमाथा आरोहणको इतिहासमा गिनिज वल्र्ड रेकर्डस्मा नाम लेखाएका छन् ।

छोरी निमाछम्जीले सगरमाथा आरोहण गर्ने विश्वकै कान्छी आरोहीको रुपमा कीर्तिमान राखेकी हुन् भने देण्डीले बाबुछोरी एकसाथ चुचुरा टेक्ने पहिलो व्यक्ति बनेका हुन् ।

देण्डी शेर्पा

बाबुछोरीले ६ जेठ २०६९ मा रोयल अर्किड ट्रेकिङ एण्ड एक्सपीडिसनबाट सगरमाथाको सफल आरोहण गरेका थिए ।

आरोहण समयमा निमाछम्जी १६ वर्ष ६ महीनाकी थिइन् । आरोहणलगत्तै गिनिज वल्र्ड रेकर्डस्मा आवश्यक कागजात पठाए पनि प्रमाणपत्र भने दुईसाताअघि मात्रै हात परेको देण्डीले बताए ।

चारपटक सगरमाथाको सफल आरोहण गरिसकेका देण्डी पथप्रदर्शक तथा क्लाइमिङ शेर्पाको रुपमा काम गरिरहेका छन् ।

प्रतिकृया दिनुहोस