प्रधानमन्त्री सुशील कोइरालाले राष्ट्रको नाममा सम्बोधन गर्दै संविधानसभाबाटै समस्याको हल खोज्न आन्दोलनकारी शक्तिहरुलाई आग्रह गरेका छन् ।

उनले राष्ट्रिय एकता र मेलमिलापको जगमा आपसी वार्ता, सहमति, सहकार्यका माध्यमबाट हालसम्म प्राप्त लोकतान्त्रिक उपलब्धिहरुलाई संस्थागत गर्नुपर्ने बताए ।

प्रधानमन्त्री कोइरालाले भने, “सविधानसभामार्फत संविधान निर्माणको महाअभियानमा सरिक हुन संविधानसभाभित्र र बाहिर रहनु भएका राजनीतिक दल, नागरिक समाजसहित समस्त नेपालीहरुमा आग्रह गर्छु ।”

प्रधानमन्त्री कोइरालाले ६ भदौ साँझ देशवासीका नाममा सन्देश दिदै भने, “राष्ट्र हामी सबैको साझा हो, राष्ट्रको कुनै अंग दुख्दा राष्ट्रिय पीडा बन्दछ ।”

प्रतिकृया दिनुहोस