टीकापुर नगरपालिका र त्यस आसपासका गाविसहरुमा रहेका सरकारी कार्यालयहरुमा थारुहट/थारुवान स्वायत्त प्रदेशको बोर्ड लेख्ने कार्यक्रम थियो ।

त्यस क्रममा गाविसमा लेखि भ्याएर टीकापुर नपामा लेख्नका लागि ८–१० हजारको संख्यामा हिँडेका आन्दोलनकारीलाई चिमल चौराहा भन्ने स्थानमा प्रहरीले रोक्न खोज्दा स्थिति भड्किएको थियो ।

प्रहरीलाई धकेलेर अघि बढ्दै गर्दा टीकापुर नपाको शंकरपुर भन्ने ठाउँमा प्रहरीले पुनः रोक्यो । निषेधित क्षेत्र नतोड्न माइकिङ गर्‍यो । तर आन्दोलनकारीले प्रहरीको त्यो घेरा समेत तोडेर अघि बढ्दा प्रहरीले फायरिङ गर्‍यो । त्यसपछि आन्दोलनकारीहरु प्रहरीमाथि जाइलाग्दा अप्रिय घट्ना हुन पुग्यो ।

आन्दोलनकारीमध्ये ५ जनाको पेटमा गोली लागेकाे छ । उनीहरु गम्भीर घाइते छन् । अन्य दुइ दर्जन जतिको खुट्टामा गोली लागेको प्रारम्भिक सूचना पाएका छाै‌ ।

(कैलाली क्षेत्र नम्बर ३ बाट निर्वाचित सभासद्  एवम् मधेशी जनाधिकार फाेरम (लाेकतान्त्रिक)का महासचिव चाैधरीसँग गरिएकाे फाेन बार्ता)

प्रतिकृया दिनुहोस