आठ जनाको मृत्यु हुने गरी कैलालीमा भड्किएको हिंसापछि बसेको तीन दलको बैठकले आन्दोलनकारीहरुलाई संयमित रही आफ्ना मागहरु लोकतान्त्रिक विधिबाट नै राख्न आग्रह गरेको छ ।

संविधानसभा भवन नयाँ बानेश्वरमा बसेको तीन दलका शीर्षनेताहरुको बैठकमा आज घटनाबारे छलफल भएको तर, विस्तृत विवरण आइनसकेकाले भोली, ८ भदौ विहान पुनः गम्भीर छलफल गरिने तय भएको बैठकमा सहभागी नेपाली कांग्रेसका उपसभापति रामचन्द्र पौडेलले जानकारी दिए ।

उनले सबै पक्षलाई संयमित हुन आग्रह गर्दै भने, “संविधान निर्माणका क्रममा आफ्ना माग समावेश गराउन हिंसा होइन वार्ता र छलफल नै उपयुक्त विधि हो ।”

उत्तेजक र हिंसा भड्काउने अभिव्यक्ति दिने नेताहरु समेतमाथि छानविन गर्नु जरुरी रहेको नेता पौडेलको भनाई थियो ।

प्रतिकृया दिनुहोस