थरुहट प्रदेशको माग राख्दै आएको थरुहट संयुक्त संघर्ष समितिले सरकारसँग बार्तामा बस्न तयार रहेको जनाएको छ ।

काठमाडौंमा पत्रकार सम्मेलन गर्दै समितिले थरुहट आन्दोलनलाई वेवास्ता गर्दै प्रहरी नै दमनमा उत्रेकाले अहिलेको अवस्था आएको उनीहरुले बताए । सभासद रुक्मिणी चौधरीले पत्रकार सम्मेलनमा भनिन्, “हामी सरकारसँग बार्तामा बस्न तयार छौं । त्यो पहल सरकारले गर्नुपर्छ ।”

अर्का सभासद सुरेन्द्र चौधरीले गृहमन्त्री सवै समुदायको भएकाले जिम्मेवार अभिव्यक्ति दिन आग्रह गरे । उनले भने, “जनताको सुरक्षा गर्ने जिम्मेवारी सरकारको हो, तर सरकार नै श्वेत आतंक मच्याउँदै छ ।”

सभासदहरुले कैलालीमा थारु समुदायको लागि मात्रै कर्फ्यू जारी भएको गुनासो गरे । सभासद सुरेन्द्र चौधरीले भने, “कर्फ्यू जारी गरिएको बेला थारुहरुको घर कसरी जल्यो ?”

संघर्ष समितिका संयोेजक धनिराम चौधरीले माग पूरा नभएसम्म थारु आन्दोलन जारी रहने बताए । उनले थारु आन्दोलनलाई बद्मान गराउन हिंसात्मक क्रियाकलाप गराउन घूसपैठ गरिएको बताए । धनिराम चौधरीले भने, “यो घटनाको हामी जिम्मेवारी लिदैनौं ।”

अर्का सभासद जनक चाैधरीले कैलालीमा भइरहेकाे थारु अान्दाेलन र अखण्ड सूदुरपश्चिम अान्दाेलन राजनीतिक भएकाले राजनीतिक तवरमै निकास खाेजिनुपर्ने बताए । उनले भने, “प्रधानमन्त्रीसँग अाज विहान हामीले कुरा राख्याैं, याे घटनालाई राजनीतिक तवरले समाधान गरिनुपर्छ ।”

प्रतिकृया दिनुहोस