सरकारले कैलालीको टीकापुरमा ज्यान गुमाएका सुरक्षाकर्मीलाई एक तह बढुवा गरी सम्मान गर्ने भएको छ ।

८ भदौमा बसेको मन्त्रिपरिषद् बैठकले ज्यान गुमाएका सुरक्षाकर्मीको उच्च मूल्यांकन गर्दै मरणोप्रान्त बढुवा गरी सम्मान गर्ने निर्णय गरेको सञ्चारमन्त्री मिनेन्द्र रिजालले बताए ।

त्यसै गरी उक्त घटनाबारे छानविन गर्न सरकारले पाँच सदस्यीय समिति गठन गरेको छ ।

राष्ट्रिय अनुसन्धान विभागका पूर्व प्रमुख देविराम शर्माको अध्यक्षतामा गठित समितिमा एआईजी जीवन थापा र प्रताप थापा, राष्ट्रिय अनुसन्धान विभागका गणेश अधिकारी र गृह मन्त्रालयका सहसचिव विनोद केसी छन् ।

बैठकले टीकापुर घटना अमानवीय भएको भन्दै दोषीलाई कानूनको दायरमा ल्याउने निर्णय गरेको छ ।

त्यसैगरी मन्त्रिपरिषद बैठकले सबै पक्षलाई संयम अपनाउन अपील समेत गरेको मन्त्री रिजालले जानकारी दिए।

प्रतिकृया दिनुहोस