नवलपरासीको रामग्राम नगरपालिका–७ सेतोपुलमा मधेशी जनअधिकार फोरमका प्रदर्शनकारीले निषेधीत क्षेत्र तोडन खोज्दा प्रहरीले नियन्त्रण गर्नेक्रममा भएको झडपमा परी १ प्रहरी जवान र २ प्रदर्शनकारी घाइते भएका छन् ।

घाइते हुनेहरु प्रहरी जवान रिमबहादुर राना, नवलपरासी सनई गाबिस पडेरीका ५० वर्षीय बिहत धोवी र नवलपरासी रामग्राम–५ बस्ने ४५ वर्षीय मुत्री कलवार हुन् ।

गम्भीर घाइते धोवीलाई उपचारको लागि मेडिकल कलेज भैरहवा पठाइएको छ भने कलवारको पृथ्वीचन्द्र अस्पताल परासीमा उपचार भइरहेको छ । परासी अस्पतालमा उपचार भइरहेका प्रहरी जवान रानाको अवस्था सामान्य छ ।

अहिले त्यहाँको अवस्था सहज बन्दै गएको जिल्ला प्रशासन कार्यालयले जनाएको छ ।

प्रतिकृया दिनुहोस