कैलालीको टीकापुरमा कर्फ्यूको अवज्ञा गरी मोटरसाइकल चलाइरहेकामाथि प्रहरीले गोली प्रहार गरेको छ ।

कर्फ्यू लागेको क्षेत्रमा मोटरसाइकलमा सवार दुई जनालाई गस्तीमा रहेको प्रहरीले रोक्न खोज्दा नरोकेपछि गोली प्रहार गरेको प्रहरीले जनाएको छ ।

मोटरसाइकल चालक जगत देवकोटाको खुट्टामा गोली लागेको इलाका प्रशासन कार्यालय टीकापुरका प्रमुख सुमन धितालले जानकारी दिए ।

टीकापुर अस्पतालमा उपचार गराइरहेका देवकोटाको अवस्था सामान्य छ । मोटरसाइकलमा पछाडि बसेका अर्का एकजनालाई भने केही भएको छैन ।

प्रहरीले थप अनुसन्धान भइरहेको जनाएको छ ।

बच्चु विक, कैलाली

प्रतिकृया दिनुहोस