थप समाचारबिहीबार, भाद्र १०, २०७२

बाँकेमा बन्द खुकुलो बनाइने

हिमालखबर

bnakeविगत १६ दिनदेखि निरन्तर बन्द भोग्दै आएका बाँके जिल्लावासीले भोलि र पर्सि दुई दिन बन्दबाट केही राहत महसुस गर्ने भएका छन् ।

१२ भदौमा परेको पर्व रक्षाबन्धनलाई दृष्टिगत गरी जिल्ला बन्दको आह्वान गरेको संयुक्त थरुहट मधेश सङ्घर्ष समितिले भदौ ११ र १२ गतेको बन्द कार्यक्रमलाई खुकुलो पार्ने भएको छ ।

सङ्घर्ष समितिद्वारा १० भदौमा नेपालगञ्जमा आयोजित पत्रकार सम्मेलनमा ११ र १२ गते नेपालगञ्ज बजारका सबै पसल सञ्चालन गर्न पाइने र बजारभित्र मोटरसाइकल तथा रिक्सा चलाउन सक्नेगरी बन्द खुकुलो पारिएको जानकारी गराइयो ।

१३ भदौ देखि जिल्ला पूर्णरुपमा पुनः बन्द गरिने प्रवक्ता पशुपति दयाल मिश्रले बताए ।

यसैगरी, जिल्लाको कोहलपुर बजार क्षेत्रमा पनि पसल, मोटरसाइकल, विद्यालय सञ्चालन गर्न दिइने, तर चारपाङ्ग्रे सवारी साधन चलाउन नपाउने गरी बन्दलाई खुकुलो पारिएको छ ।

यता जिल्ला प्रशासन कार्यालयले पनि बन्दका क्रममा हुनसक्ने सम्भावित अप्रिय घटनालाई दृष्टिगत गरी नेपालगन्ज र कोहलपुरमा लगाउँदै आएको निषेधित क्षेत्र यथावत् राखेको प्रमुख जिल्ला अधिकारी बेदप्रसाद लेखकले बताए ।
रासस

प्रतिकृया दिनुहोस

हिमालखबर जनमत

नयाँ सरकारको नेतृत्व कुन पार्टीले गर्नुपर्छ?

परिणाम हेर्नुस्

Loading ... Loading ...