थप समाचारशुक्रबार, भाद्र ११, २०७२

टीकापुरका सुरक्षाकर्मी भन्छन,‘सपनामा पनि त्यही घटना देखिन्छ’

हिमालखबर

टीकापुर नजिक पशुहाट बजार क्षेत्रमा खटिएका सुरक्षकर्मी । सबै तस्वीरः बच्चु विक

टीकापुर नजिक पशुहाट बजार क्षेत्रमा खटिएका सुरक्षकर्मी । सबै तस्वीरः बच्चु विक

एसएसपी लक्ष्मण न्यौपाने सहित ९ जना मारिएको घटनापछि त्यस दिन ड्यूटीमा खटिएका सुरक्षाकर्मी राति सपनामा पनि त्यही घटना देखिने गरेको बताउँछन् ।

एसएसपी न्यौपाने मारिएको घरमा ११ भदौ बिहान भेटिएका प्रहरी जवानहरु त्रसित मुद्रामै देखिन्थे ।

‘‘डर त लाग्छ नी, एसएसपीसापको हत्या भएको देखेका छौं । को मान्छे कस्तो छ, चिन्न सकिन्न,’’ ति प्रहरी जवानले भने ।

सुरक्षाकर्मी मारिएको गाउँ र घटना भएको पशुहाटबजारमा नेपाल प्रहरी र सशस्त्र प्रहरीको टोली तैनाथ छ ।

कफ्र्यू लागेकाले सडकमा सुरक्षाकर्मी मात्रै छन् ।

ज्यान जोगाउन यही घरभित्र पसेका एसएसपी लक्ष्मण न्यौपानेलाई बाहिर निकाली आन्दोलनकारीले मारेका थिए ।

ज्यान जोगाउन यही घरभित्र पसेका एसएसपी लक्ष्मण न्यौपानेलाई बाहिर निकाली आन्दोलनकारीले मारेका थिए ।

पशुहाट बजारमा हिमालसँग कुरा गर्दै एक जुनियर प्रहरी अधिकृतले भने ‘‘त्यो विभत्स दृष्य बिर्सिन सकिएको छैन । हातमा बन्दुक भएपनि मन डर छ ।’’

घटनाका दिन प्रहरीका शव अस्पताल पुर्‍याएका उनी यस्तो ठूलो घटनामा यसअघि नपरेकाले अझै त्यस्तै हुलदङ्गा भइहाल्छ की भन्ने त्रास रहेको बताउँछन् ।

टीकापुर घटनापछि चार दिन यता त्यही क्षेत्रमा खटिएका सशस्त्र प्रहरीका जवान पनि अझै त्रास नहटेको बताउँछन् ।

‘‘हामी पनि मान्छे हौं, सुरक्षाकर्मी भन्ने वितिक्कै कहाँ सुरक्षित भइन्छ र !’’ उनी भन्छन्, “फेरी जुलुस आउँदैछ, गाउँमा लास छन्, घर आगो लगाइँदैछ भन्ने हल्ला फैलाइरहेका छन्, यस्तै नचाहिंदो हल्लाले एक–अर्काप्रति शंका र आक्रमणको त्रास बढाउँछ ।”

टीकापुरमा गस्ती गर्दै सशस्त्रप्रहरी ।

टीकापुरमा गस्ती गर्दै सशस्त्रप्रहरी ।

यद्यपी घटनापछि सुरक्षाकर्मीको परिचालन व्यापक मात्रामा सतर्कतापूर्वक गरिएको छ ।

१० भदौमा नेपाल प्रहरीका महानिरीक्षक उपेन्द्रकान्त अर्याल, सशस्त्र प्रहरीका महानिरीक्षक कोषराज वन्त, राष्ट्रिय अनुसन्धान विभागका प्रमुख दिलिपराज रेग्मी सहितको टोलीले टीकापुर क्षेत्रको निरीक्षण गरेर प्रहरी अधिकृतहरुलाई निर्देशन दिएको छ ।

सुरक्षाकर्मीहरुको मनोबल बढाउने गरी आदेश, निर्देशन दिइरहेको टीकापुर इलाका प्रहरी कार्यालयका प्रहरी नायव निरीक्षक धनबहादुर खडायत बताउँछन् ।

‘‘यत्रो घटना पछि त्रास त भइहाल्छ । उनीहरुको मनोबाल बढ्ने गरी काम गरिरहेका छौं । शान्ति कायम गर्ने कोशिशमै छौं’’ डीएसपी खडायत भन्छन् ।

इलाका प्रहरी कार्यालयबाट गस्तीका लागि निस्कने तयारीमा प्रहरी ।

इलाका प्रहरी कार्यालयबाट गस्तीका लागि निस्कने तयारीमा प्रहरी ।

‘‘यत्रो घटनापछि केही त्रास हुनु स्वभाविक हो तर, विस्तारै हट्छ,’’ टीकापुर इलाका प्रशासन कार्यालयका प्रमुख सुमन धिताल भन्छन् ।

५ दिनदेखिको कर्फ्यू, २२ साउनदेखिको हड्ताल, ३ भदौदेखिको निषेधाज्ञामा खटिइरहेका सुरक्षाकर्मी यसै पनि थकित छन् ।

घटनाको पाँचौ दिन पनि टीकापुर र आसपासको क्षेत्र सामान्य बन्न सकेको छैन् ।

टीकापुर लगायत आसपासको क्षेत्र दङ्गाग्रस्त क्षेत्र घोषणा गरिएका कारण जनजीवन पनि कष्टकर बन्दै गएको छ ।

बजार बन्द भएकोले खाद्यान्न तथा दैनिक उपभोग्य सामान पनि अभाव देखिदै गएको छ ।

बच्चु विक, टीकापुरबाट

प्रतिकृया दिनुहोस

हिमालखबर जनमत

नयाँ सरकारको नेतृत्व कुन पार्टीले गर्नुपर्छ?

परिणाम हेर्नुस्

Loading ... Loading ...