सीमाङ्कनप्रति असहमति राख्दै आन्दोलनरत थरुहट संघर्ष समिति र मधेशी मोर्चाले आज एक दिनका लागि बर्दियामा यातायात र बजार खुला गर्ने निर्णय गरेको छ ।

सदरमुकाम गुलरीयामा १० भदौ साँझ बसेको सर्वपक्षीय वैठकपछि जनैपूर्णिमाको अवसरमा एक दिनका लागि यातायात र बजार खुला गर्ने निर्णय गरीएको थरुहट संघर्ष समिति बर्दियाका प्रवक्ता देबमान चौधरीले जानकारी दिए ।

थरुहटले आव्हान गरेको बन्दको आज १९ औँ दिन विहानै देखि सडकमा यातायातका साधन चल्न थालेका छन् । बजारमा चहलपहल बढेको छ ।

त्यसैगरी बैठकले विरोधका कार्यक्रम गर्दा लाठी, गुलेली लगायतका घरेलु हतियार प्रर्दशन नगर्ने, शान्ति सदभाव खलबलिने खालका नाराबाजा र कार्यक्रमहरु नगर्ने पनि सहमति भएको छ ।

थारु कल्याणकारी सभा बर्दियाका अध्यक्ष गोविन्द थारुले ११ भदौ दिउँस १२ बजेदेखि १२ गते बेलुका सम्म गाडी र बजार खुला गरेको विज्ञप्ति जारी गरे पनि मधेशी मोर्चाले बन्द कायमै राख्दा ११ गते बजार र यातायात खुल्न पाएन ।

बाँकेमा पनि थरुहट संघर्ष समितिले १० भदौदेखि १६ भदौसम्म यातायात खुल्ला गर्ने बताए पनि मधेशी मोर्चाले मानेको छैन ।

भावुक योगी, बर्दिया

प्रतिकृया दिनुहोस