संविधानसभामा ९ भदौदेखि जारी संविधानको परिमार्जित विधेयक, २०७२ माथिको सैद्धान्तिक छलफल आज सकिंदैे छ ।

छलफलमा लागि भाग लिन ४ सय ५२ जना सभासद्ले नाम टिपाएकोमा ३ सय ९४ जनाले बोलिसकेका छन् ।

छलफलमा भाग लिन थोरै सभासद्हरु मात्रै बाँकी रहेकोले आज नै छलफल सकिने सचिवालयले जनाएको छ ।

सैद्धान्तिक छलफलमा भाग लिने सभासद्हरूले प्राप्त उपलब्धिको रक्षा गर्दै छिटो भन्दा छिटो संविधान जारी गर्नुपर्नेमा जोड दिएका छन् ।

सबैको भावना समेट्ने गरी संविधान आएको भन्दै उनीहरूले हाल देखिएका केही असन्तुष्टिहरूलाई सम्बोधन गरेर उत्कृष्ट अझै परिस्कृत संविधान बनाउनुपर्ने बताएका छन् ।

सैद्धान्तिक छलफल सकिएपछि आज नै संशोधनका लागि ७ दिनको समय दिइने तयारी भएको संविधानसभा सचिवालयका प्रवक्ता डा. भरत गौतमले बताए ।

संविधानसभाको आजको बैठक बिहान साढे ११ बजे बोलाइएको छ ।
कपिल भट्ट, काठमाडौं

प्रतिकृया दिनुहोस