प्रहरीले वीरगञ्जबाट ५५० सवारी साधनलाई सुरक्षा घेरामा राखेर गन्तब्यतर्फ पठाएको छ ।

जिल्ला प्रहरी कार्यालय पर्साका अनुसार तेल ट्याङ्कर, कन्टेनर, कार्गो ट्रक, यात्रुबहाक बस लगायत ५५० वटा सवारी साधन १२ भदौ राति स्कर्टिङ गरेर जिल्ला बाहिर पठाईएको हो ।

स्कर्टिङ गरेर लैजाँदै गरिएका सवारी साधनमाथि मधेशी मोर्चाका कार्यकर्ताद्वारा राति पनि ढुंगामुढा भएको र त्यसक्रममा प्रहरी नायब उपरीक्षकको गाडीमा समेत ढुंगा प्रहार भएको प्रहरी उपरीक्षक दिवेश लोहनीले जानकारी दिए ।

पर्सा ड्राईपोर्टबाट जगरनाथपुर, परवानीपुर हुदै जीतपुर पथलैयातर्फ जाँदै गरेका मालवाहक तथा यात्रुवाहक सवारी साधनहरु मध्ये दुई दर्जन गाडीमा परिवानीपुरमा तोडफोड भएको हो ।

प्रशासनले लगाएको निषेधाज्ञा तोड्न परवानीपुरमा बसेका बन्दकर्ताहरुले सवारी सधनमा तोडफोड गरेका हुन् ।

प्रहरीले ढुंगामुढा गर्नेहरुलाई लखेटेर तितरबितर पारेको थियो ।
सुरेश विडारी, वीरगञ्ज

प्रतिकृया दिनुहोस