बीरगञ्जमा प्रहरीसँगको भिडन्तमा परी एक आन्दोलनकारीको मृत्यु भएको छ भने केही घाइते भएका छन् ।

प्रदर्शनकारीले कर्फ्यू तोडेपछि भएको झडपमा परी पर्सा मनियारीका ३० बर्षीय दिलीप चौरसियाको मृत्यु भएको हो । झडपको क्रममा गोली लागेका चौरसियाको नारायणी उपक्षेत्रीय अस्पतालमा उपचार क्रममा मृत्यु भएको हो । उनकाेे ढाँडमा गाेली लागेकाे थियाे ।

स्थानीय प्रशासनले दिउँसो ४ बजेबाट जारी गरेको कर्फ्यू प्रदर्शनकारीले उलङ्घन गर्दा पटक–पटक प्रहरीसँग झडप भएको थियो । प्रहरी र प्रर्दशनकारीबीच वीरगञ्जको नगवा, बसपार्क, घण्टाघर, माईस्थान, मुर्ली राधेमाई लगायतका स्थानमा भएको झडपमा अरु थुप्रै प्रदर्शनकारी घाइते भएका छन् ।

प्रहरीले अवस्था नियन्त्रणमा लिन दर्जनौं राउण्ड गोली र अश्रुग्याँस प्रहार गरेको थियो । प्रदर्शनकारीहरुले गण्डक, रानीघाट र अशोकबाटिकास्थित प्रहरी चौकी र नेकपा एमालेको पार्टी कार्यालयमा आगजानी गरेका थिए ।

-सुरेश बिडारी, वीरगञ्ज

प्रतिकृया दिनुहोस