संयुक्त लोकतान्त्रिक मधेशी मोर्चाले गरेको आन्दोलनमा प्रहरीले चलाएको गोली लागेर मृत्यु भएका रौतहटका राजकिशोर ठाकुरको शव आफन्तले बुझेका छन् ।

रौतहटको सदरमुकाम गौरस्थित कवीर चोकमा गत ८ भदौमा प्रहरीले चलाएको गोली लागेर मठिया–७, का २४ बर्षीय ठाकुरको मृत्यु भएको थियो । मृतकलाई शहीद घोषणा  र परिवारलाई क्षतिपूर्तिको माग गर्दै आफन्तले शव बुझ्न मानेका थिएनन् ।

तर, जिल्ला सुरक्षा समन्वय समितिले मागका सम्बन्धमा गहृमन्त्रालयमा पत्राचार गर्ने सहमति गरेपछि शव बुझेको प्रहरी उपरीक्षक प्रद्युन्न कार्कीले बताए ।

उनका अनुसार जिल्ला सुरक्षा समन्वय समितिको बैठकले मृतक ठाकुरलाई शहीद घोषणाका लागि प्रक्रिया शुरु गरेको छ ।

मोर्चाले मृतक ठाकुरलाई शहीद घोषणा, आश्रित परिवारलाई क्षतिपूर्ति तथा परिवारमध्ये एकजनालाई रोजगारीसहित पाँचबुँदे माग राखेको थियो ।

प्रतिकृया दिनुहोस