थप समाचारमंगलबार, भाद्र १५, २०७२

कलैयामा पनि एक जना प्रदर्शनकारीको मृत्यु

हिमालखबर

बारामा प्रहरी र प्रदर्शनकारीबीच झडप हुँदा एक जना प्रदर्शनकारीको मृत्यु भएको छ । तस्वीर: श्याम गुप्ता

बारामा प्रहरी र प्रदर्शनकारीबीच झडप हुँदा एक जना प्रदर्शनकारीको मृत्यु भएको छ । तस्वीर: श्याम गुप्ता

बाराको कलैयामा प्रहरीको गोलीबाट एकजना प्रदर्शकारीको मृत्यु भएको छ ।

स्थानीय प्रशासनले लगाएको कर्फ्यू अवज्ञा गर्दै विहानैदेखि प्रदर्शन गरिरहेका आन्दोलनकारी र प्रहरीबीच भएको झडप उग्र हुँदै गएपछि प्रहरीले चलाएको गोली लागेर कलैया– १० का २१ वर्षीय हिफाजत अन्सारीको मृत्यु भएको संयुक्त लोकतान्त्रिक मधेशी मोर्चा बाराको प्रवक्ता अरुण कुमार सिंहले बताए ।

अहिले प्रर्दशनकारीहरुले भरतचोकमा शवसहित प्रदर्शन गर्दैै छन् ।

त्यस्तै झडपमा परेर बाराकै छोड्की फुलवरीयाका २५ वर्षका सुरेश यादव गम्भीर घाईते भएका छन् । उनको कन्चटमा गोलीको छर्रा लागेको छ ।

उनलाई उपचारका लागि वीरगञ्ज ल्याईएको छ ।

भरतचोकमा अन्य ५ जना छर्रा लागेर सामान्य घाईते छन् । यसअघि ठाँउ ठाउमा भएको झडपमा परी सामान्य घाइते कम्तीमा २० जनाको उपचार कलैया अस्पतालमै भैरहेको छ ।

यसअघि वीरगञ्जमै आज एकजना र हिजो १४ भदौमा अर्का एकजना आन्दोलनकारीको मृत्यु भएको थियो ।
सुरेश विडारी, वीरगञ्ज

प्रतिकृया दिनुहोस

हिमालखबर जनमत

नयाँ सरकारको नेतृत्व कुन पार्टीले गर्नुपर्छ?

परिणाम हेर्नुस्

Loading ... Loading ...