नेपाली कांग्रेसले पार्टीको  महाधिवेशन  अनिश्चितकालका लागि स्थगित गरेको छ ।

१५ भदौमा कांग्रेस केन्द्रीय समितिको बैठकले मुलुकका विभिन्न भागमा देखिएका असन्तुष्टिहरूलाई पहिलो प्राथमिकता दिएर संविधान निर्माणमा ध्यान केन्द्रीत गर्न महाधिवेशन स्थगित गर्ने निर्णय गरेकोे उपसभापति रामचन्द्र पौडेलले जानकारी दिए ।

उनले नयाँ मिति तोक्न अन्तरिम संविधानमा संशोधन गर्नुपर्ने भएकोले, अन्य प्रमुख दलहरूसँग छलफल गरेर संविधान संशोधन गरेपछि मात्रै अर्को मिति घोषणा गरिने बताए ।

नेतृत्व महाधिवेशन गर्न अनिच्छुक: केसी
यसैबीच कांग्रेस केन्द्रीय सदस्य अर्जुन नरसिंह केसीले पार्टी नेतृत्व महाधिवेशन गराउन इच्छुक नभएको आरोप लगाएका छन् ।

महाधिवेशन गर्ने भए ४ महिना अघि नै तयारी समिति, विभिन्न उपसमिति गठन गर्नुपर्ने भएपनि अन्तिम अवस्थामा स्थगित गर्नु नेतृत्वको ठूलो कमजोरी रहेको उनको भनाई छ ।

उनले भने, “अधिवेशन भन्दा ठूलो कुरा संविधान भएपनि समयमै महाधिवेशन गर्न नसकेर अरु पार्टीसँग गुहार माग्नु लज्जास्पद र अदूरदर्शीता हो ।”

प्रतिकृया दिनुहोस