मलेसियामा जारी एसिसी यू–१९ प्रिमियर लिग क्रिकेटको अन्तिम खेलमा नेपालले साउदी अरेबियामाथि नौ विकेटको फराकिलो जित हात पारेको छ ।

मलेसियाको सेलोंगर क्लबमा टस जितेर ब्याटिङ गरेको साउदी अरेबिया ३३।२ ओभरमा ५५ रन जोड्दा अलआउट भयो ।
साउदी अरेबियाका फैसल खानले १९ र जैनले ११ रनबाहेक अन्य कुनै ब्याट्सम्यानले दोहोरो अङ्क जोड्न सकेनन् । दुई ब्याट्सम्यान भने शून्य रनमै पेबोलियन फर्के ।

साउदी अरेबियालाई सस्तैमा समेट्ने क्रममा नेपालका सुशील कँडेलले ४ तथा सुनिल धमला र प्रेम तामाङले दुई÷दुई विकेट लिए । कँडेलले १० ओभरमा नौ मेड्न राख्दै १२ रन खर्चिए ।

५६ रनको सामान्य लक्ष्य नेपालले ९ ओभरमा एक विकेटको क्षतिमा पूरा गरेको थियो । नेपालका ओपनर सुनिल धमला ३४ रनमा अविजित रहे भने कप्तान राजु रिजाल १४ रनमा अविति रहे ।

जितसँगै नेपाल शीर्ष स्थानमा उक्लिँदै च्याम्पियन बन्ने सम्भावना कायमै राखेको छ । अहिले जारी अर्को खेलमा मलेसियाले अफगानिस्तानलाई हराए नेपाल च्याम्पियन बन्ने छ । अफगानिस्तानले जितेमा नेपाल उपविजेता बन्नेछ ।

नेपालले संयुक्त अरब इमिरेट्स ९युएई०, मलेसिया र कुबेतलाई पराजित गरेको छ भने अफगानिस्तानसँगमात्र हार व्यहोरेको थियो ।

प्रतिकृया दिनुहोस