बाराको ग्रामीण क्षेत्रमा रहेका ४६ वटा प्रहरी चौकी र अस्थाई प्रहरी पोष्टहरु खाली गराईएको छ ।

बाराका प्रहरी नायब उपरीक्षक विनोद शर्माका अनुसार सुरक्षा संवेदनशीलतालाई ध्यानमा राखेर जिल्लाको ग्रामिण क्षेत्रमा रहेका प्रहरी चौकी र अस्थाई प्रहरी पोष्टलाई खाली गराईएको हो ।

“ती प्रहरी चौकीमा कार्यरत प्रहरीहरु नजिकैको ईलाका प्रहरी कार्यालय र सशस्त्र प्रहरीको बेस क्याम्पमा छन् । स्थिति सामान्य भएपछि उनीहरुलाई पुरानै ठाँउमा फर्काइने छ,” शर्माले भने ।

संयुक्त लोकतान्त्रिक मधेशी मोर्चा बाराका प्रवक्ता अरुण सिंहले ग्रामीण भेगमा रहेका चौकीका प्रहरीले आन्दोलन विरुद्ध सुराकी गरेकाले ती चौकीहरु खाली गर्न प्रहरीलाई चेतावनी दिइएपछि खाली भएको दाबी गरेका छन् ।
सुरेश बिडारी, वीरगञ्ज

प्रतिकृया दिनुहोस