थप समाचारबिहीबार, भाद्र १७, २०७२
५३ सवारी साधनलाई गन्तव्यतर्फ पठाइयो
वीरगञ्जबाट ५३ वटा मालबहाक सवारी साधन १६ भदौ राति स्कर्टिङ गरी गन्तब्यतर्फ पठाएको छ ।
१८ दिनदेखिको बन्दका कारण भन्सार क्षेत्रमा अलपत्र परेका मालबहाक सवारी साधनहरु सुरक्षा निकायको स्कर्टिङ मार्फत गन्तव्यतर्फ पठाईएको भन्सार कार्यालयका सूचना अधिकारी सुशील शर्माले जानकारी दिए ।
“चालकले जोखिम हुने भन्दै जान डराएका कारण जाँच पास भैसकेका ५०/६० वटा सवारी साधन यार्डमै थन्किएको छ,” उनले भने ।
२९ साउनदेखि आन्दोलनरत मधेशी मोर्चाले देशकै मुख्य भन्सार नाका ठप्प पारेका कारण भन्सार क्षेत्रमा थुप्रै मालवाहक सवारी साधन अलपत्र छन् ।
प्रशासनले रातिको समयमा सुरक्षा घेरामा राखेर सवारीसाधनलाई गन्तव्यतर्फ पठाउने प्रयास गरिरहे पनि मोर्चाको अवरोधका कारण समस्या आउने गरेको छ ।