Portrait of SG

संयुक्त राष्ट्र सङ्घका महासचिव वान की–मुनले सबै प्रकारका हिंसा त्यागेर संवादका माध्यमबाट समस्याको निकास खोज्न नेपालका सम्बद्ध पक्षलाई आग्रह गरेका छन् ।

नेपालको वर्तमान अवस्थाप्रति चासो लिँदै महासचिव वानले सबै प्रकारका हिंसा तथा बल प्रयोगलाई त्याग्न सबै पक्षलाई आग्रह गरेको उनका प्रवक्ता स्टेफान डुजारिकद्वारा जारी प्रेस विज्ञप्तिमा जनाइएको छ ।

नेपालस्थित राष्ट्र्संघको सूचना केन्द्रका अनुसार महासचिव वानले हालै नेपालमा भएका हिंसा र व्यक्तिको जीवनक्षतिका घटनाप्रति दुःख पनि व्यक्त गरेका छन् ।

विज्ञप्तिमा राष्ट्र सङ्घले नेपालको शान्ति प्रक्रियामा महत्वपूर्ण सहयोग गरेको र त्यसले संविधान निर्माणलाई सहज बनाएको भन्दै नेपालका नेताहरुले पुनः आपसी सहमतिको भावनाअनुसार काम गर्ने विश्वास व्यक्त गरेको पनि उल्लेख छ ।

रासस

प्रतिकृया दिनुहोस