थप समाचारशुक्रबार, भाद्र १८, २०७२

लिम्बुवानले गरेको बन्दको प्रभाव न्यून

हिमालखबर

फाइल तस्वीर: पत्रकार कुटपिटको विरोधमा नेपाल पत्रकार महासंघ झापाले १६ भदौमा निकालेको र्‍याली ।

फाइल तस्वीर: पत्रकार कुटपिटको विरोधमा नेपाल पत्रकार महासंघ झापाले १६ भदौमा निकालेको र्‍याली ।

झापामा पत्रकार कृष्ण हुमागाईंलाई कुटपिट गरेको आरोपमा पक्राउ परेका कार्यकता रिहाईको माग गर्दै संङ्घीय लिम्बूवान पार्र्टीले आह्वान गरेको बन्दको झापमा सामान्य प्रभाव परेको छ ।

पत्रकार हुमागाईंलाई १५ भदौ दिँउसो झापाको बिर्तामोडमा मोटरसाइकलबाट उतारी कुटपिट गर्ने लिम्बुवान पार्र्टीका कार्यकर्ता मिलन वेघा, भीम राई, निशा चापागाईं, प्रवीण लिम्बू र बलबहादुर मगरललाई प्रहरीले पक्राउ गरी सार्वजनिक अपराध अन्तर्गतको मुद्दा चलाएको छ ।

ढाड र टाउकोमा चोट लागेका घाइते पत्रकार हुमागाईको बिर्तामोड स्थित बि एण्ड सी अस्पतालमा उपचार भइरहेको छ ।

संङ्घीय लिम्बूवान पार्टीले पत्रकार हुमागाईलाई आक्रमण गर्ने कार्यकर्तालाई बिना शर्त रिहाइको माग गर्दै १८ भदौदेखि मेची कोशीका नौ जिल्ला अनिश्चितकालीन बन्द आह्वान गरेको छ ।

बन्दको झापाका विर्तामोड, धुलाबारी, काँकडभिट्टा, दमक र भद्रपुरका मुख्य बजारमा सामान्य प्रभाव परेको छ भने अन्य बजारमा प्रभाव छैन ।

मुख्य बजारहरुमा यातायातका साधन अरु बेला भन्दा कम चलेका छन् । बजारका भित्री भागका पसल खुलेका छन् । बिद्यालय र सरकारी कार्यालयहरु पनि खुलै छन् ।

त्यस्तै ताप्लेजुङमा बजार र शैक्षिक संस्था खुलै भए पनि त्यहाँबाट झापा आउने यातायाताका साधन चलेका छैनन् ।

पाँचथरमा बजार बन्द छ । इलाममा बन्दको प्रभाव नगण्य छ ।
गोपाल गडतौला, झापा

प्रतिकृया दिनुहोस

हिमालखबर जनमत

नयाँ सरकारको नेतृत्व कुन पार्टीले गर्नुपर्छ?

परिणाम हेर्नुस्

Loading ... Loading ...