इलामको श्रीअन्तुमा सुतेको अवस्थामा निसासिएर तीन जनाको मृत्यु भएको छ ।

एउटै कोठामा सुतेका श्रीअन्तु–६ को श्रीबुङका ४५ वर्षीय लगन तामाङ, १८ वर्षीय नितेश मगर र पशुपतिनगर–२ का ६९ वर्षीय फुर्वा तामाङको मृत्यु भएको हो ।

लगनकी श्रीमतिको तीन दिनअघि मृत्यु भएको थियो । तेस्रो दिन किरिया सकेर उनीहरु जेनेटर चलाएको कोठामा भेन्टिलेसन नखोलेरै सुतेका थिए ।

१९ भदौ विहान अबेरसम्म नउठेपछि आफन्तले ढोका खोली हेर्दा बेहोस अवस्थामा फेला परेका तीनै जनाको फिक्कल हस्पिटलमा उपचारका क्रममा मृत्यु भएको हो ।

मृतक तिनैजनाको शवको पोष्टमार्टमपछि परिवारको जिम्मा लगाइएको इलाका प्रहरी कार्यालय पशुपतिनगरका प्रहरी निरीक्षक पदम थपलियाले बताए ।

पहिरोमा पुरिएर खत्रीको मृत्यु
पाँचथरको एकतीन गाविस–५ का प्रेमवहादुर खत्रीको पहिरोमा पुरिएर मृत्यु भएको छ ।

घर नजिकै जंगलमा घाँस काटिरहेका ५५ वर्षीय खत्रीको पहिरोले पुरिएर १९ भदौ अपराह्न ४ वजे मृत्यु भएको हो ।

एकतिन ५ स्थित लुवा खोला नजिकै जोरपोखरी एकतिन ग्रामिण सडक माथिवाट खसेको पहिरोमा परेर खत्रीको घट्नास्थमै मृत्यु भएको स्थानीय लक्ष्मीप्रसाद खतिवडाले जानकारी दिए ।
लक्ष्मीप्रसाद मिश्र र लक्ष्मी गौतम

प्रतिकृया दिनुहोस