तस्वीर: श्याम गुप्ता

प्रहरीको गोलीबाट मृत्यु भएका बारा, कलैया–१० रंगपुरटोलका हिफाजत मियाँ अंसारीको अन्त्येष्टी गरिएको छ ।

विरोध प्रदर्शनका क्रममा १५ भदौमा प्रहरीको गोली लागेर मृत्यु भएका २० वर्षीय मियाँको २० भदौ दिउँसो इस्लाम परम्परानुसार स्थानीय कब्रिस्तानमा अन्त्येष्टि गरिएको हो ।

यसअघि वीरगञ्जबाट उनको शव ठूलो जुलुशका साथ कलैया ल्याइएको थियो ।

संयुक्त लोकतान्त्रिक मोर्चाले आह्वान गरेको हडतालका क्रममा प्रहरी र प्रदर्शनकारीबीच झडप हुँदा कलैयाको भरत चोकमा प्रहरीको गोली लागी मियाँको मृत्यु भएको थियो ।

यसअघि १९ भदौमा वीरगञ्जमा विरोध प्रदर्शनका क्रममा मृत्यु भएका ५ जनाको अन्त्येष्टि विन्धबासिनी स्थित तिलावे नदीमा गरिएको थियो ।

श्याम गुप्ता, बारा

प्रतिकृया दिनुहोस