चिया बगानको हरियो मुनाबाट हामीमध्ये धेरै जसोले दिनहुँ पिउने चिया बनाउँदासम्मका चरणहरु हेरौं ।

बगानबाट हरियो चिया टिपेर ल्याउँदै

चियाबगान

चिया बनाउन यस्तै कलिलो मुना (तीनपात) टिपिन्छ ।

चिया बगानको बोटबाट हरियो पात टिपेर चिया बनाउने प्रक्रियाको पहिलो चरणमा हरियो पातलाई ‘बोदरिङ टफ’ मा राखेर पातमा भएको पानी निकालिन्छ । जालीदार टफको भित्रपट्टिबाट आउने तातो हावाले ९ घण्टासम्म हिर्काउँदा पातमा भएको पानी सुकेर वजन ३० प्रतिशत घट्छ ।

ओइलाएको हरियोपातलाई रोडर भ्यानमा हालेर पेल्दा नरम हरियो ढुटो तयार हुन्छ ।

२० देखि २२ डिग्रीसम्मको स्थिर तापक्रम भएको कोठामा सवा घण्टा दुई इञ्च बाक्लो गरी धुलोलाई फिजाएपछि त्यो तामारंगमा परिणत हुन्छ ।

अनि शुरुहुन्छ सुकाउने र दानादार बनाउने फर्मेन्टेसनको काम ।

१२५—१३० डिग्रीको तापक्रममा ड्रयरमा सुकाएपछि अघिको तामारंगको ढुटो केही कालो र दानादार बनिसकेको हुन्छ ।

यसपछि शुरुहुन्छ जाली मेसिनमा हाली बिभिन्न आकारका दानादार चियारंग छुट्याउने काम  ।
अनि तयार हुन्छ चिया ।

हरियोपत्ति टिपेदेखि चियारंग बनाउने यो सम्पूर्ण पक्रिया पूरा गर्न साढे ११ घण्टा लाग्छ ।

शब्द/तस्वीर: गोपाल गडतौला, झापा

प्रतिकृया दिनुहोस