मधेशी जनाधिकार फोरम लोकतान्त्रिकका केन्द्रीय सदस्य लक्ष्मण थारुलाई प्रहरीले भैरहवाबाट पक्राउ गरेको छ ।

७ भदौमा एएसएसपी सहित ९ जना मारिएको टीकापुर घटनामा संलग्न भएको अभियोग लागेका थारुलाई प्रहरीले सिद्धार्थनगर–८ बाट पक्राउ गरेको प्रमुख जिल्ला अधिकारी विष्णुप्रसाद ढकालले हिमाललाई बताए ।

लुम्बिनी प्रहरी प्रमुख वरिष्ठ प्रहरी उपरीक्षक गणेश केसीले कैलाली प्रहरीको अनुरोधमा भैरहवामा रहेका थारुलाई पक्राउ गरिएको जानकारी दिए ।

“उनी टीकापुर घटनामा संलग्न रहेको प्रमाणसहित कैलाली प्रहरीले खोजीका लागि अनुरोध गरेको थियो, अब उनलाई टीकापुर चलान गरिनेछ,” केसीले भने ।

थरुहट संघर्ष समितिका केन्द्रीय सल्लाहकार समेत रहेका थारु कैलालीको फूलबारी गाविसका स्थायी वासिन्दा हुन् ।

प्रतिकृया दिनुहोस