-दिलिपकुमार सिंह, सिराहा

जिल्ला प्रशासन सिरहाले विहानैबाट लहानका विभिन्न सडकहरुलाई निषेधित क्षेत्र घोषणा गरेको छ ।

आन्दोलन चर्किदै गएपछि बलान नदीदेखि पश्चिममा कमला नदीसम्म र नयाँ चोहर्वादेखिको सदरमुकाम जोड्ने सडकको दायाबायाको ५ सय मिटर क्षेत्रलाई निषेधित क्षेत्र घोषणा गरिएकाे हाे ।

निषेधित क्षेत्र अनिश्चित समयका लागि लागू गरिएको प्रशासनले जनाएको छ । लहान विहानैदेखि तनावग्रस्त छ । आन्दोलनकारीहरुले ठाउँठाउँमा टायर बालेर प्रदर्शन गरिरहेका छन् ।

आन्दोलनकारीले प्रदर्शन नरोकेपछि सशस्त्र प्रहरी नायब उपरीक्षक प्रेम प्रसाईले लहान क्षेत्रमा निषेधित क्षेत्र घोषणा गरिएको जनाए ।

प्रतिकृया दिनुहोस