मलेसियामा रहेका ८६ हजार भन्दा बढी नेपालीले नेपाली दूतावासबाट मेसिन रेडिवल पासपोर्ट (एमआरपी) बनाएका छन् ।

सन् २०१३ को मार्चदेखि सन् २०१५ जुलाई २५ तारिखसम्म ८६ हजार पाँच सय ४८ जना नेपालीले एमआरपी बनाएको दूतावासको तथ्यांकमा उल्लेख छ ।
मलेसियामा रहेका २५ हजार नेपाली अझै हातले लेखेको पासपोर्टकै भरमा काम गर्दै आएको दूतावासको अनुमान छ । यसैबीच, मलेशियास्थित नेपालीदूतावसले आगामी नोभेम्बर २४ तारिखसम्म एमआरपी बनाउन आग्रह गरेको छ ।

हस्तलिखीत राहदानीका साथमा मलेसियामा बसेका नेपाली कामदारहरुलाई दूतावासले यस्तो आग्रह गरेको हो ।

२४ नोभेम्बर अघि नै उनीहरुलाई एमआरपी बनाई सक्नुपर्ने सूचना जारी गरिएको छ । आगामी नोभेम्बरदेखि विश्व नागरीक उड्यन संस्था आईकाओले हस्तलिखित पासपोर्टलाई मान्यता नदिने जनाएको छ ।

-गणेश आचार्य, क्वालालम्पुर

प्रतिकृया दिनुहोस