जनकपुरमा कर्फ्यूकाे अवज्ञा गर्दै निस्केकाे प्रदर्शन नियन्त्रण बाहिर जाने अवस्था अाएपछि स्थानीय प्रशासनले दंगाग्रस्त क्षेत्र घाेषणा गरेकाे छ ।

प्रमुख जिल्ला अधिकारी कालीप्रसाद पराजुलीका अनुसार साँझ ५ बजेपछि जनकपुरका सडकहरुमा सेना परिचालन गरिनेछ ।

यसअघि, कर्फ्यू अवज्ञा गर्दै अघि बढेको प्रदर्शनकारीलाई नियन्त्रणमा लिन प्रहरीले चलाएको गोली लागेर जनकपुरमा दुई जना आन्दोलनकारीको मृत्यु भएको छ ।

मिल्स एरियामा चलेको गोली लागेर १६ वर्षीया निकु यादवको मृत्यु भएको प्रहरीले जनाएको छ । यस्तै, प्रहरीको गोली लागेर घाइते भएका विनोदकुमार साहको उपचारको क्रममा मृत्यु भएको छ ।

गोली लागेर एक दर्जन घाइते भएका छन् । उनीहरु मध्ये चार जनाको अवस्था गम्भीर रहेको अस्पताल स्रोतले जनाएको छ ।

प्रशासनले जारी गरेको कर्फ्यू अवज्ञा गर्दै जनकपुरमा प्रदर्शन भइरहेको छ । संयुक्त मधेशी मोर्चाले जनकपुरमा गाउँ–गाउँबाट सर्वसाधरण जनकपुर लगेका छन् ।

-ईश्वरचन्द्र झा, जनकपुर

प्रतिकृया दिनुहोस